ဘိုဒိုအသင်းကို သရေ ရလဒ်ထွက်ပေါ်အပြီး ဖြေရှင်းချက်ပေးလိုက်တဲ့ သောမတ်စ် ဖရန့်ခ်

"အကောင်းမြင်တဲ့ အချက်ကတော့ ကစားသမားတွေရဲ့ စိတ်ဓာတ်နဲ့ စရိုက်လက္ခဏာ (Character) ဟာ အရမ်းကောင်းတယ်လို့ ထင်ပါတယ်။ ပွဲထဲမှာ ဆက်ရှိနေတယ်။ ဆက်ပြီး တိုက်ပွဲဝင်ခဲ့တယ်။ အဲ့ဒါကြောင့် အဝေးကွင်းကနေ အရမ်းကောင်းတဲ့ တစ်မှတ် ရခဲ့တာပါ" "ချန်ပီယံလိဂ်ပွဲမှာ ၂-၀ ဂိုးနဲ့ ရှုံးနေတဲ့အချိန်၊ အထူးသဖြင့် ဒီကွင်းမှာ အရမ်းကောင်းတဲ့ ဘိုဒိုအသင်းကို ရင်ဆိုင်ရတဲ့အခါ ဒီရလဒ်ကို ပျော်ရွှင်ရမှာပါ" "ပထမပိုင်းမှာတော့ ဘောလုံးကို ပိုကောင်းအောင် ထိန်းထားနိုင်ခဲ့ရမယ့် အပိုင်းတွေ ရှိတယ်ဆိုတာ သေချာပါတယ်။ အဲ့ဒါက ရစ်ချာလီဆန်ကြောင့်ပဲလို့ ကျွန်တော် မထင်ပါဘူး။ တကယ်တမ်းကျတော့ အသင်းရဲ့ ဖွဲ့စည်းပုံကြောင့်လည်း နည်းနည်းပါခဲ့ပါတယ်၊ အဲ့လို အခြေအနေတွေမှာ ဘောလုံးကို ပိုထိန်းထားနိုင်ခဲ့ရမှာပါ" "ဒါပေမဲ့ ဒီအရာတွေ တိုးတက်လာမယ်ဆိုတာကိုတော့ ကျွန်တော် သံသယမရှိပါဘူး" Thomas Frank (စပါးနည်းပြ)